പെരുകാവ് എക്സ് സര്വീസ്മെന് വെല്ഫെയര് അസോസിയേഷനു വേണ്ടി ചന്ദ്രശേഖരന് നായര് പ്രസിദ്ധീകരിക്കുന്നത്.
ഇത് വിളവൂര്ക്കല് പഞ്ചായത്തിലെ കോണാകോട് എന്ന സ്ഥലത്തെ – പഞ്ചായത്ത് കിണര് – ആണ്. പൊതു കിണറുകള് ശുചീകരിക്കണമെന്നും അവയിലെ ജലം കുടിക്കുവാന് ഉപയുക്തമാക്കണമെന്നും പെരുകാവ് എക്സ് സെര്വീസ്മെന് വെല്ഫെെയര് അസോസിയേഷന് പഞ്ചായത്ത് ഭരണാധികാരികളോട് രേഖാമൂലം ആവശ്യപ്പെട്ടിട്ട് നാളുകള് പലത് കഴിഞ്ഞു. ശുചീകരണ പ്രവര്ത്തനങ്ങളില് പ്രതിഫലം പറ്റാതെ ഞങ്ങളുടെ സേവനവും ലഭ്യമാക്കാമെന്ന് ഞങ്ങള് പറയുകയുണ്ടായി. വര്ഷങ്ങളായി ഉപയോഗശൂന്യമായിക്കിടക്കുന്ന വേറെയും ധാരാളം കിണറുകള് പഞ്ചായത്ത് വകയായി ഉണ്ട്. ഒരെണ്ണം പോലും വര്ഷങ്ങളായി ശുചീകരിച്ചിട്ടില്ല. ഇവയെല്ലാംതന്നെ കൊതുക് വളര്ത്തല്, (ഈ-വേസ്റ്റ്, കുപ്പിയോട്, പ്ലാസ്റ്റിക് മുതലായ) മാലിന്യ സംഭരണം, മലമൂത്ര വിസര്ജന കേന്ദ്രം, മദ്യപാനകേന്ദ്രങ്ങള് തുടങ്ങി പലരീതിയിലും ദുരുപയോഗം ചെയ്യപ്പെടുകയാണ്. മാരകമായ രോഗങ്ങള് സമ്മാനിക്കുവാന് കഴിവുള്ള ഇവ ശുദ്ധജല സ്രോതസുകള് ആണെന്ന് ഭരണാധികാരികള്ക്ക് മനസിലാക്കുന്നില്ല.
